Një ngjar­je e rëndë ka tron­di­tur komu­nitetin në bashk­inë e Maliqit, ku mësue­si me për­vo­jë Alban Bej­leri ka hum­bur jetën si paso­jë e një ataku kar­diak, tek­sa po kthe­hej për në shtëpi pas për­fundim­it të detyrës së tij.

Bej­leri, i cili kishte rreth 30 vite ekspe­ri­encë në arsim, prej pesë vitesh jepte mësim në fshatin e thel­lë Mar­jan. Çdo ditë ai për­shkonte në këm­bë rreth 7 deri në 8 kilo­me­tra për të arrit­ur në shkol­lë, ku zhvil­lonte pro­cesin mësi­mor për vetëm dy nxënës.

Sipas famil­jarëve, ai ishte një mësues i përkush­tu­ar që nuk anko­hej për vështirësitë, pavarë­sisht sfi­dave të përdit­shme. Udhë­ti­mi i tij përf­sh­inte mbër­rit­jen fil­lim­isht në zonën e Lozhan­it dhe më pas ecjen në këm­bë drejt shkol­lës në Mar­jan.

Kolegët e kuj­to­jnë si një shem­bull përkush­ti­mi dhe sakri­fice, ndër­sa famil­jarët kanë reaguar me dhim­b­je dhe ind­in­jatë, duke ngrit­ur shqetësime për kushtet e vështi­ra të punës dhe mungesën e infra­struk­turës.

Ngjar­ja ka nxi­tur reag­ime të for­ta dhe thirrje për më shumë përgjegjësi nga insti­tu­cionet, në mënyrë që raste të tilla tragjike të mos përsëriten në të ardhmen.