Deputeti i Par­tisë Social­iste, Eri­on Braçe, ka ngrit­ur shqetësimin në Kuvend lid­hur me mungesën e përgjig­jeve ndaj kërke­save për infor­ma­cion dhe inter­pelan­cave par­la­mentare, duke akuzuar insti­tu­cionet për mungesë respek­ti ndaj Par­la­men­tit.

Gjatë fjalës së tij në seancë plenare, Braçe tha se disa insti­tu­cione dhe min­is­tra shman­gin përgjegjësitë, ndër­sa tre­goi edhe një rast konkret ku, sipas tij, një min­istër i ka kthy­er përgjig­je me fjalët: “Nuk dua të bëj inter­pelancë me ty”.

“E kup­toj që edhe në zyra shteti ka njerëz që nuk duan ta bëjnë punën, por të kenë këtë mungesë respek­ti për Kuvendin e Shqipërisë, natyr­isht që është e tepërt”, u shpreh ai.

Deputeti sqaroi se i ishte drej­tu­ar Agjen­cisë Kom­bëtare të Vet­eri­nar­isë për një çësht­je konkrete, por kishte mar­rë dy përgjig­je të ndryshme. Sipas tij, agjen­cia i kishte kthy­er përgjig­je se nuk ishte kom­pe­tencë e saj, ndër­sa min­istri përgjegjës kishte refuzuar inter­pelancën me argu­mentin se çësht­ja nuk ishte në juridik­sion­in e tij.

Eri­on Braçe thek­soi se, pavarë­sisht qën­drimeve të min­is­trave apo insti­tu­cion­eve, ai do të vazh­do­jë të krye­jë detyrën e tij si deputet.

“E kup­toj që ka njerëz në qev­eri që s’duan ta bëjnë punën e tyre, unë jam këtu për të bërë punën time. Nëse kjo his­tori vazh­don kësh­tu që 7 kërke­save s’u përgjig­jet askush, më mirë na thoni mos të bëjmë kërkesë për mar­rje infor­ma­cioni dhe inter­pelan­ca”, deklaroi Braçe.