Kuven­di “natë pa gjumë”, Rama shkon pas mes­nate vetëm për votimet – mira­to­hen akciza, shtetësia dhe iden­titeti digji­tal

Kuven­di i Shqipërisë zhvil­loi një seancë mara­tonë që zgjati rreth 14 orë dhe u mbyll pas mes­nate, ndër­sa kryem­i­nistri Edi Rama u paraqit vetëm në fund për pro­cesin e votim­it të pro­jek­tlig­jeve.

Gjatë ditës, opozi­ta kërkoi inter­pelan­ca me kre­un e qev­erisë, por Rama ia dele­goi përgjig­jet min­is­trave, duke argu­men­tu­ar se çësht­jet e ngrit­u­ra nuk ishin përgjegjësi direk­te e tij.

Një nga debatet krye­sore ishte akti nor­ma­tiv për akcizën e naftës, i cili u mirat­ua me 85 vota pro dhe 25 kundër. Pro­jek­tligji parashikon ndërhyr­je në skemën e akcizës kur çmi­mi i kar­bu­ran­tit kalon mbi 220 lekë për litër.

Ndërko­hë, opozi­ta dhe Par­tia Demokratike kërkuan uljen e tak­sës së qarkul­lim­it, reduk­timin e akcizës së naftës dhe zer­im­in e akcizës së gaz­it për indus­tritë prod­huese “Made in Alba­nia”, por propozimet u rrëzuan nga shu­mi­ca social­iste.

Mes pro­jek­tlig­jeve të mirat­u­ara ishin edhe ndryshimet në ligjin për shtetës­inë, ligji për iden­ti­fikimin elek­tron­ik dhe porto­folin e iden­titetit digji­tal, si dhe disa ndryshime në ligjin për tak­sat kom­bëtare dhe inspek­timin në Repub­likën e Shqipërisë.

Po ash­tu, Kuven­di mira­toi disa emërime të rëndë­sishme insti­tu­cionale:

Ahmet Prençi u zgjodh Komi­sion­er pranë Zyrës së Avokatit të Pop­ul­lit për mekanizmin kundër tor­turës.

Alma Faskaj u zgjodh Sekretare për mbro­jt­jen e të drej­tave të fëmi­jëve.

Gen­ta Tafa mori detyrën e Komi­sioneres për Mbro­jt­jen nga Diskri­m­in­i­mi.

Meri­ta Bejt­ja u votua si Inspek­tore e Përgjithshme e Ban­ka e Shqipërisë.

Matil­da She­hu u zgjodh anëtare e Këshillit Mbikëqyrës të Bankës së Shqipërisë.


Punimet e seancës plenare u mbyl­lën rreth orës 00:35 pas një dite me debate të for­ta poli­tike dhe votime të shum­ta në Kuvend.