Deklarata tronditëse e Monika Kryemadhi për Ilir Meta: “Më linte të bëja çfarë të doja… jam penduar për këtë gjë!”
Monika Kryemadhi flet hapur për marrëdhënien 33-vjeçare me Ilir Metën, pendesat për familjen dhe akuzat e forta ndaj SPAK. Zbulon detaje intime dhe të pathëna më parë.
Monika Kryemadhi ka bërë një deklaratë të papritur për raportin e saj me ish-bashkëshortin, Ilir Meta, duke rikthyer në vëmendje 33 vite bashkëjetesë plot sfida dhe kujtime.
Ajo u shpreh se kjo periudhë ka qenë ndër më të bukurat e jetës së saj, pavarësisht vështirësive:
“Unë nuk mund të mohoj 33 vite jetë me Metën. Nuk kanë qenë të tmerrshme, por shumë të bukura. Ka qenë periudha më e bukur e jetës sime.”
Kryemadhi theksoi se Meta ka qenë një partner tolerant:
“Ai më linte të bëja çfarë të doja, nuk kam pasur kurrë kontroll.”
Megjithatë, ish-kryetarja e LSI-së pranoi edhe një nga pendesat më të mëdha në jetën e saj mungesën e kohës për familjen dhe fëmijët:
“Jam penduar që kam harxhuar kohën për të tjerët dhe jo për familjen time. Kam peng marrëdhënien me fëmijët.”
Në deklaratën e saj, ajo foli edhe për akuzat dhe përplasjet publike, duke përmendur edhe SPAK dhe kreun e tij, Altin Dumani, për të cilët tha se kanë ndikuar në përkeqësimin e situatës mes saj dhe Metës.
Kryemadhi zbuloi gjithashtu një episod që sipas saj krijoi tension në marrëdhënien e tyre:
“I kishin thënë Metës që kisha të dashur. Madje i kishin çuar mesazhet e mia ku e kisha regjistruar në telefon si ‘Zemra ime’.”
Ajo e cilësoi këtë si një manipulim të rëndë dhe jo njerëzor, ndërsa shtoi se pavarësisht gjithçkaje, ruan ende respekt për ish-partnerin e saj.