Trump: Armëpushim 3‑ditor mes Rusisë dhe Ukrainës nga 9 deri më 11 maj, parashikohet edhe shkëmbimi i të burgosurve
Presidenti amerikan Donald Trump ka njoftuar se do të ketë një armëpushim tre-ditor në luftën mes Rusia dhe Ukraina, nga 9 deri më 11 maj, periudhë që përkon me festimet e Ditës së Fitores në Luftën e Dytë Botërore në Moskë.
Në një postim në rrjetin social Truth Social, Trump deklaroi se armëpushimi do të përfshijë edhe një shkëmbim të madh të burgosurish, me 1 mijë persona nga secila palë.
“Jam i kënaqur të njoftoj se do të ketë një armëpushim tre-ditor më 9, 10 dhe 11 maj në luftën mes Rusisë dhe Ukrainës”, shkroi Trump, duke shtuar se i kishte kërkuar personalisht presidentit rus Vladimir Putin dhe presidentit ukrainas Volodymyr Zelenskyy që ta respektojnë marrëveshjen.
Presidenti amerikan u shpreh optimist se ky hap mund të shënojë fillimin e fundit të konfliktit që ka shkaktuar mijëra viktima dhe shkatërrime të mëdha.
“Shpresojmë që kjo të jetë fillimi i fundit të një lufte shumë të gjatë, vdekjeprurëse dhe brutale. Bisedimet për paqen vazhdojnë dhe çdo ditë po afrohemi më shumë drejt një marrëveshjeje”, deklaroi Trump.
Sipas raportimeve ndërkombëtare, ideja për një armëpushim të përkohshëm ishte propozuar fillimisht nga Kremlini në kuadër të festimeve të 9 majit.
