Hyrja e Kostana Moravës dhe Inida Gjatës, e njohur si Zhaku, në “Ferma VIP” ka trazuar menjëherë dinamikat e shtëpisë, duke sjellë debate, tensione dhe situata që kanë ndezur reagime të shumta në rrjet.
Dy banoret e reja nuk kanë zgjedhur të qëndrojnë në prapaskenë, por janë përfshirë menjëherë në përplasje të forta me banorët e tjerë, duke u kthyer shumë shpejt në personazhet më të komentuar të formatit.
Ajo që ka rënë më shumë në sy për publikun është fakti se shumica e debateve të tyre janë fokusuar te Sara Karaj. Pikërisht ky detaj ka ngritur dyshime te ndjekësit në rrjetet sociale, të cilët aludojnë se Kostana dhe Zhaku mund të kenë hyrë në lojë me një strategji të menduar më herët.
Sipas komenteve që po qarkullojnë online, dy vajzat mund të jenë futur në format për ta rikthyer Sarën në qendër të vëmendjes dhe për të forcuar pozicionin e saj në lojë, sidomos pas një periudhe ku ajo shihej si më pak e favorizuar nga publiku.
Debatet e vazhdueshme dhe tensionet e krijuara në shtëpi po interpretohen nga shumë ndjekës si një mënyrë për ta vendosur Sarën në rolin e viktimës, një strategji që shpesh sjell më shumë simpati dhe mbështetje nga audienca në reality show.
Dyshimet janë shtuar edhe më shumë pas sjelljes së Zhakut me Mimoza Ahmetin. Edhe pse fillimisht u duk se ajo do të ishte një mbështetëse e fortë e Mozës, raporti mes tyre u kthye shpejt në përplasje, ironira dhe tensione të vazhdueshme.
Një nga momentet më të komentuara ishte përdorimi i termit “kuçkë” nga Zhaku, episod që shkaktoi reagime të forta si brenda shtëpisë ashtu edhe në rrjet. Situata ndikoi ndjeshëm në klimën e lojës dhe u komentua si një nga arsyet që ndikoi edhe në eliminimin e Olës.
Tashmë publiku është edhe më kurioz për të parë se si do të evoluojnë marrëdhëniet mes banorëve dhe nëse strategjia e dyshuar e hyrjeve të reja do të ndikojë realisht në rrjedhën e lojës dhe në mbështetjen që Sara Karaj mund të marrë nga publiku.