Plas sherri në “Ferma VIP”, Zhaku përplaset ashpër me Mozën: “Servile dhe e pafytyrë”
Në spektaklin Ferma VIP 3 tensionet mes konkurrentëve po rriten ndjeshëm pas hyrjes së dy banoreve të reja, Inida Gjata (Zhaku) dhe Kostana Morava.
Që në nisje, Zhaku deklaroi se kishte hyrë në fermë për të mbështetur mikeshën e saj Moza, me të cilën ka një marrëdhënie të gjatë jashtë lojës. Ajo madje u shpreh se “vetëm Moza është loja, të tjerët janë skandal”.
Por situata mes dy mikeshave ka marrë një kthesë të papritur, duke çuar në një përplasje të fortë verbale brenda shtëpisë.
Gjatë Prime-it dhe pas tij, debati u ashpërsua, ku u hodhën akuza të ndërsjella dhe tone të larta. Moza la të kuptohej se Zhaku ka pasur lidhje me ish-bashkëshortin e saj, duke ndezur edhe më shumë konfliktin.
Nga ana tjetër, Zhaku reagoi ashpër duke e quajtur Mozën “servile” dhe “të pafytyrë”, duke shtuar se ajo është “manipulatore ekselente”.
Debati mes tyre vijoi kështu:
Zhaku: “Ti nuk ke respekt për historinë që kemi ne.”
Moza: “Ti mund të kesh histori me bashkëshortin tim, me mua nuk ke histori.”
Zhaku: “Unë kam histori me ty, por ti je servile dhe e pafytyrë.”
Ky konflikt ka ndezur reagime të shumta edhe në rrjetet sociale, ku ndjekësit e formatit po komentojnë ndarjen e papritur mes dy ish-mikeshave të ngushta.