Kryem­i­nistri Edi Rama deklaroi se qev­e­ria po punon për një refor­më të re të pen­sion­eve, me qël­lim kri­jimin e më shumë hapësir­ave për të gjitha kat­e­goritë e pen­sion­istëve.

Gjatë një bashkëbised­i­mi me pen­sion­istët e një­sisë nr. 2 në Tiranë, Rama foli për rrit­jen ekonomike, poli­tikat sociale dhe ndryshimet që pritet të prekin skemën e pen­sion­eve. Sipas tij, syn­i­mi është që qyte­tarët të kenë mundësi të kurse­jnë më shumë për të për­fi­tu­ar pen­sione më të lar­ta, me mbështet­jen e shtetit.

Ai shtoi se do të rishiko­het edhe ske­ma për pen­sion­istët që janë të vetëpunë­suar ose që vazh­do­jnë të puno­jnë, duke thek­suar se edhe aty ka hapësira për për­mirësime në favor të tyre.

“Po ash­tu do të rishiko­jmë edhe skemën aktuale për pen­sion­istët e vetëpunë­suar dhe për ata që vazh­do­jnë të puno­jnë, pasi ka edhe aty hapësirë për disa rreg­ul­lime që shko­jnë në favor të pen­sion­istëve,” u shpreh Rama.

Kryem­i­nistri foli edhe për mbështet­jen ndaj invalidëve, duke pran­uar se sis­te­mi aktu­al ka difer­encime që duhen kor­rigjuar.

Duke u ndalur te pen­sionet në përgjithësi, Rama thek­soi se bonuset vje­tore dhe rrit­ja grad­uale e pen­sion­eve do të vazh­do­jnë dhe pritet të shumë­fishohen deri në vitin 2030.

Sipas tij, më herët është bërë vetëm indek­si­mi i pen­sion­eve për shkak të mungesës së kapaciteteve ekonomike, ndër­sa tani ekono­mia e ven­dit, sipas tij, ka kri­juar mundësi për rrit­je reale.

Rama deklaroi gjithash­tu se në rast të rrit­jes së çmimeve të ushqimeve, pen­sion­istët do të kenë mbro­jt­je ekonomike nga qev­e­ria.

Ai tha se po shqyr­to­het edhe një skemë e re e mbështet­jes përmes një karte shpen­z­imesh famil­jare, e cila do të për­doret për pro­duk­te bazë, duke synuar që ndih­ma të shko­jë direkt tek famil­jet.

Sipas tij, kjo skemë do të ndih­mo­jë që mbështet­ja finan­cia­re të për­doret vetëm për nevo­jat bazë, ndër­sa TVSH-ja e kon­sum­it të kthe­het në bux­het dhe më pas në mbështet­je për qyte­tarët.

Rama shtoi se rrit­ja e pagave në vend po ndikon poz­i­tivisht edhe në sis­temin e sig­urimeve shoqërore, duke sjel­lë më shumë të ard­hu­ra për pen­sionet në të ardhmen.