Zjarr te “Farmacia 10” në Tiranë – 4 të arrestuar, në kërkim ndërtuesi Armand Lilo
Një ditë pas zjarrit të fuqishëm që përfshiu një pallat pranë zonës së njohur si “Farmacia 10” në Tiranë, policia ka ndërmarrë veprime konkrete duke arrestuar katër persona të dyshuar për përfshirje në ngjarje.
Mes të arrestuarve ndodhet edhe menaxherja e “Big Market”, biznes që operonte në katin e parë të godinës, nga ku dyshohet se kanë nisur flakët. Po ashtu, në pranga është vënë edhe administratori i pallatit.
Ndërkohë, autoritetet kanë shpallur në kërkim ndërtuesin e kompleksit, biznesmenin Armand Lilo, ndërsa hetimet vijojnë për të zbardhur plotësisht shkaqet e zjarrit dhe për të përcaktuar përgjegjësitë ligjore të secilit të përfshirë.
Ngjarja shkaktoi dëme të konsiderueshme materiale dhe tronditi banorët e zonës, ndërsa pritet që ekspertizat teknike të hedhin më shumë dritë mbi rrethanat e shpërthimit të flakëve.