Kejv­ina Kthel­lës i “zhduken” 8 mijë eurot, mod­el­ja kallë­zon shoqen e ngushtë për mashtrim

Mod­el­ja shqiptare Kejv­ina Kthel­la është përf­shirë së fund­mi në një çësht­je mashtri­mi, pasi pre­tendon se shoq­ja e saj e ngushtë i ka mar­rë shumën prej 8 mijë eurosh dhe nuk ia ka kthy­er më.

Sipas infor­ma­cion­eve, Prokuro­r­ia e Tiranës ka nisur pro­ced­im penal ndaj shte­tases Anela Osmani për veprën penale të “Mashtrim­it”, pas kallëzim­it të bërë nga mod­el­ja në fil­lim të mua­jit maj 2026.

Burime pranë hetim­it bëjnë me dije se Kejv­ina Kthel­la kishte kursy­er shumën prej 8 mijë eurosh nga të ard­hu­rat e saj dhe, për shkak se do të largo­hej drejt Lezhës, ia kishte lënë për rua­jt­je shoqes së saj.

Por sipas dësh­misë së mod­e­les, pas mar­rjes së shumës, Anela Osmani ka nisur të japë jus­ti­fikime të ndryshme për mosk­thimin e par­ave. Fil­lim­isht ajo ka pre­tend­uar se lekët ndod­heshin në kasafortë, por nuk arrinte ta hap­te pasi kishte har­ru­ar kodin. Më pas, pas hap­jes së kasafortës, rezul­toi se paratë nuk ndod­heshin aty.

Në vijim, sipas kallëzim­it, Osmani ka deklaru­ar se shumën e kishte depoz­i­tu­ar në një llog­a­ri bankare, por se ajo ishte bllokuar nga përm­bari­mi, duke e bërë të pamundur tërhe­q­jen e par­ave.

Për­bal­lë këtyre pre­tendimeve, të cilat dyshohet se kanë qenë mashtruese, Kejv­ina Kthel­la iu drej­tua Poli­cisë së Tiranës me kallëz­im penal ndaj shoqes së saj.

Ndërko­hë, prokurori i çësht­jes, Bledar Valikaj, ka kërkuar masën e sig­urisë “detyrim për paraqit­je” ndaj Anela Osman­it, duke argu­men­tu­ar se ekzis­to­jnë dyshime të arsyeshme për kon­sum­imin e veprës penale të mashtrim­it.

Gjyka­ta e Shkallës së Parë Tiranë ka lënë në fuqi masën “detyrim paraqit­je”, ndër­sa hetimet për çësht­jen vijo­jnë.