Gazetari Robert Papa ka deklaruar në Fokus Tv se Struktura e Posaçme Kundër Korrupsionit (SPAK) po i afrohet kryeministrit Edi Rama në Surrel. Sipas Papës, kreu i qeverisë ndodhet përpara një zgjedhjeje të vështirë, ku mund t’i duhet të sakrifikojë bashkëpunëtorë të lartë, si Belinda Ballukun, për të shpëtuar familjarët e tij që ai pretendon se janë të përfshirë në përgjime dhe afera.
Ai ngre akuza të rënda për aferën e AKSHI‑t dhe përfshirjen e zyrtarëve në urdhra për tenderë, luftë ndaj kundërshtarëve politikë dhe transferta miliona dollarësh në parajsa fiskale. Papa e krahason situatën e korrupsionit dhe trafiqeve në Shqipëri me atë të kartelave të Meksikës, duke theksuar se Departamenti i Drejtësisë në SHBA ka ndryshuar qasje dhe tashmë po ndjek një linjë të mos-tolerimit ndaj Ramës. Sipas tij, dosjet në Amerikë janë voluminoze dhe mbështetja ndërkombëtare që ka pasur qeveria deri më sot po zbehet, ndërsa SPAK po tregon vendosmëri për të mos u tërhequr nga hetimet që prekin kupolën e pushtetit.Ja paralajmërimet e forta nga Robert Papa: “AKSHI është gropa e “ujërave të zeza” të Ramës. Është e turpshme të japësh mbi një orë nga licencat dhe valët e emitimit që licencohen nga shteti. Ka vila pafund e pallate që vlejnë miliona e miliarda dollarë të vjetra, ndërkohë që “bufoni i Surrelit”, “palloshi i Lubisë”, nuk është më kryeministër; kryeministre është “Lubia”. Madje, edhe Linda e AKSHI‑t është në rang të lartë kontrolli lidhur me krimin. Natyrisht, vëmendja ndaj Shqipërisë ka rënë për shkak të luftës në Iran dhe vizitës së madhe të Presidentit Trump në Kinë. Meksika ka qenë një vend i korruptuar që nga shekulli XX. Kartelët e drogës sundojnë 1/3 e kombit përmes frikës. Në 12 vitet e Ramës, kartelët, trafiqet, korrupsioni kontrollojnë Shqipërinë. Në Meksikë ata vrasin kundërshtarët dhe familjet e tyre sipas dëshirës.Grupi i strukturuar kriminal i Agasit ishte e njëjta gjë. Marrin njerëz peng. Qeveria në Mexico City është shumë e dobët, e njëjtë me Ramën, që të përballohen me krimin. Prandaj Amerika do të përballet me një zgjedhje: do të lejojë qindra mijëra amerikanë të vdesin nga droga, ose të shkatërrojë strukturën e kartelit. Kaq është. Duke shkatërruar strukturën e Sinaloas ke shkatërruar Ramën.
Nuk ka mundësi tjetër. Fentanili, droga është helm. Është i lirë për t’u prodhuar, i lehtë për t’u futur kontrabandë. Miliarda dollarë rrjedhin nga njerëzit e dobët që e blejnë: 100 miliardë dollarë. Problemi moral është këtu. Amerika është e vendosur ta eliminojë atë dhe ata që përfitojnë prej saj. Rama është nga përfituesit më të mëdhenj të trafiqeve përmes Sinaloas dhe Meloni mos pranojë dhurata e të puthet me të, sepse me qindra dhe mijëra fëmijë të Bashkimit Europian vdesin nga droga që vjen nga Shqipëria, pasi i ka marrë nga Sinaloa me kupolën mbrojtëse të Ramës. Bashkimi Europian duhet ta kuptojë këtë.Rama është një kancer malinj në Ballkan dhe fjalori i tij që do të gjejmë aleatë të tjerë, kërcënon si një plesht përpara këtij vendi të madh. Ka vdekur mbretëria e Sorosit, të mbajë me oksigjen çiftin mediokër, kusarë të mëdhenj Lubia apo dyshi i qeverisë reale, bashkëshorti atje i kapur në përgjime nga europianët. Urdhra për tenderë, urdhra për të luftuar kundërshtarët dhe kalime miliona e dollarë në parajsa fiskale. Dosjet në Amerikë tejet masive. SPAK i është afruar Surrelit. Nuk të shpëton Brukseli kur SPAK afrohet te Surreli. Ndaje mendjen.
Është e thjeshtë: të heqë Lubinë të shpëtosh pjesëtarët e familjes të kapur keq. Ky SPAK duket që nuk tërhiqet. Ka ndryshuar gjithçka. Natyrisht kujtuam se Yuri Kim bëri qokën e fundit, Dumanin për t’i bërë një pit-stop në departament, por në Departamentin e Drejtësisë i është ofruar qasje e mostolerimit ndaj Ramës. Kjo duket qartazi kur të gjithë zyrtarët amerikanë që vijnë e injorojnë, nuk e përfillin, dhe fundi dihet. E keqja ka një emër: Rama.” SQARIM: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.