Një ngjarje e rëndë ka ndodhur pasditen e sotme në zonën detare të Sazanit, ku një pushues ka mbetur i lënduar si pasojë e një aksidenti me mjete lundruese.
Sipas informacioneve paraprake, i dëmtuari dyshohet se është goditur nga helika e një skafi, duke pësuar prerje të rënda në pjesën e këmbës.
Marrë parasysh gjendjen e tij, i plagosuri është transportuar menjëherë drejt spitalit për të marrë ndihmën e nevojshme mjekësore.
Rrethanat se si ka ndodhur incidenti mbeten ende të paqarta, ndërsa grupi hetimor ka nisur punën dhe po vijon hetimet për zbardhjen e plotë të shkaqeve të këtij aksidenti detar.