Tronditëse / Nëna 32-vjeçare dyshohet se vrau djalin 4‑vjeçar dhe konsumoi pjesë të trupit të tij

Një ngjar­je e rëndë ka tron­di­tur Aus­tral­inë, ku një grua 32-vjeçare aku­zo­het se ka vrarë djalin e saj katërv­jeçar dhe dyshohet se ka kon­sumuar pjesë të trupit të tij.

Rasti po het­o­het nga autoritetet aus­traliane, ndër­sa ka ngrit­ur pikëpyet­je të for­ta mbi ndërhyr­jen e shër­bimeve sociale, të cilat kishin qenë në kon­takt me famil­jen edhe para trag­jedisë.

Sipas medi­ave aus­traliane, gru­a­ja u paraqit të shtunën në një komis­ari­at poli­cie në Wyong, në rajonin Cen­tral Coast të shtetit New South Wales, ku dyshohet se u tha efek­tivëve se kishte kon­sumuar pjesë të trupit të fëmi­jës së saj.Pas deklaratës së saj, poli­cia shkoi në aparta­mentin ku jetonin nënë e bir dhe gjeti trupin e pajetë të katërv­jeçar­it me plagë të rën­da në duar.

Hetimet para­prake tre­go­jnë se fëmi­ja kishte ndër­ru­ar jetë disa ditë për­para se autoritetet të njoftoheshin.Familja ishte zhven­do­sur në zonë rreth pesë muaj më parë, me syn­imin për t’i shpë­tu­ar një sit­u­ate të dhunës në famil­je.

Megjithatë, shër­bimet sociale të New South Wales kishin mon­i­toru­ar rastin prej të pak­tën një viti për shkak të shqetësimeve lid­hur me gjend­jen men­dore të nënës dhe dyshimeve për për­dorim të sub­stan­cave narkotike.

Ndërhyr­ja e fun­dit e autoriteteve sociale ishte në mua­jin janar, kur u vlerë­sua nëse fëmi­ja ndod­hej në rrezik seri­oz neglizhence. Sipas rapor­timeve, nuk u gjetën pro­va të mjaftueshme që të jus­ti­fikonin largimin e fëmi­jës nga kujdestaria e nënës, ndaj ai vijoi të jetonte me të deri në ditën e vdek­jes.

Medi­at aus­traliane rapor­to­jnë se shqetësimet për famil­jen ishin ngrit­ur që në fil­lim të vitit 2024, pasi një i afërm kishte njof­tu­ar autoritetet për gjend­jen e fëmi­jës. Në atë kohë, u rapor­tu­an dyshime për për­dorim sub­stan­cash dhe episode psikotike të nënës, e cila u refer­ua në një pro­gram të ndërhyr­jes së her­shme.

Po ash­tu, 32-vjeçar­ja kishte qenë më parë e përf­shirë në kon­flik­te famil­jare dhe ndaj saj ishin lëshuar urdhra kufizues.Ngjarja ka tron­di­tur komu­nitetin lokal. Rreth 40 banorë u mblod­hën në Wyong për të nderu­ar kuj­timin e katërv­jeçar­it, duke ven­do­sur lule, lodra dhe tul­lum­bace pranë ven­dit ku jetonte.

Një nënë, djali i së cilës kishte lua­j­tur me vik­timën në një fes­të ditëlind­je­je, tha për medi­at se fëmi­ja dukej i lum­tur dhe plot energji, ndër­sa e për­shkroi nënën si një per­son të qetë dhe të sjell­shëm.

“Nuk kishte asgjë që të linte të kup­to­je se diç­ka e tillë mund të ndod­hte. Kjo tre­gon se nuk e di kur­rë çfarë ndodh pas dyerve të mbyl­lu­ra”, u shpreh ajo.

Sipas doku­menteve të gjykatës, autoritetet dysho­jnë se kri­mi është kry­er më 4 kor­rik, mes orës 16:00 dhe 17:00. Gru­a­ja është arrestu­ar dhe aku­zo­het për vras­je. Kërke­sa e saj për lir­im me kusht është refuzuar, ndër­sa çësht­ja pritet të shqyr­to­het sër­ish në Gjykatën e Magji­s­traturës në Wyong më 1 shta­tor. Autoritetet vijo­jnë hetimet për të zbard­hur plotë­sisht rrethanat e kësaj ngjar­je­je tron­ditëse.