Gati dosja e re në SPAK për Ulsi Manjën, nga ndërhyrja sekrete te Balluku për HEC-in në Dibër dhe shpërblimi i…

🚀 Provoje Falas

Kreu i grupit par­la­men­tar të Par­tisë Demokratike, Gaz­ment Bard­hi, ka lëshuar akuza të for­ta ndaj ish-min­istrit të Drejtë­sisë, Ulsi Man­ja, duke par­ala­jmëru­ar se ndaj tij po bëhet gati një dos­je e re për në Prokuror­inë e Posaçme (SPAK). Ky reag­im vjen pasi opozi­ta dorë­zoi në Prokuror­inë e Posaçme një kallëz­im kundër kryem­i­nistrit Edi Rama për shpër­dorim­in e 4.2 mil­ionë eurove të bux­hetit të shtetit për kon­certin pri­vat të këngë­tar­it Kanye West.

Në përgjig­je të komenteve të Man­jës lid­hur me këtë çësht­je, Bard­hi i ka bërë thirrje ish-min­istrit që të për­gatitet për t’u për­bal­lur vetë me prokurorët spe­cialë për shkak të dy dyshimeve konkrete. Sipas për­faqë­sue­sit të opoz­itës, Man­ja duhet të sqaro­jë fil­lim­isht lid­hjen e tij me biz­nes­menin Paulin Raj­ta dhe nëse ka ndërhyrë te Belin­da Bal­luku për t’i sig­u­ru­ar atij licencën për një HEC në qarkun e Dibrës.

Më tej, Bard­hi thek­son se kjo ndërhyr­je dyshohet se është bërë në kundër­sh­tim me ligjin, gjë që për­bën vepër penale. Sipas tij, pozi­ta ligjore e ish-min­istrit rën­do­het ako­ma më shumë pasi ky biz­nes­men, i cili dyshohet se u favorizua për lejen e HEC-it, më vonë u emërua nga vetë Man­ja, në cilës­inë e Min­istrit të Drejtë­sisë, si drej­tor i Poli­cisë së Burgjeve. Në mbyll­je të reagim­it, kryetari i grupit par­la­men­tar të PD-së par­ala­jmëroi ish-min­istrin se roli i ser­vilit nuk do ta mbro­jë gjatë dhe se së shpe­jti SPAK mund t’i trokasë në derë.

Pos­ti­mi i plotë i Gaz­ment Bard­hit:

“Ulsi Man­ja, mes rolit të budal­lait dhe hetim­it të SPAK-ut. E kam të vështirë ta ndaj, nëse Ulsi Man­ja e bën me lehtësi rolin e budal­lait apo jo, por mund të them me sig­uri se sot qen­ka në kul­min e vet të per­for­mancës. Ulsi, nuk kemi çuar në SPAK Kanin, por Edin. Sepse Edi ka shpër­doru­ar detyrën bashkë me 4.2 mil­ionë euro para pub­like, të dhë­na si pare xhepi për një kon­cert pri­vat. Tani që, besoj je më i qartë dhe më i qetë për Kanin, të pak­tën mos e gën­je Edin për poz­itën e tij penale dhe, njëko­hë­sisht, bëhu gati edhe vetë për në SPAK!

Meqë ke mar­rë për­sipër të bësh anal­izë me laps në dorë për kallëzimet e opoz­itës ndaj vjed­hjeve tua­ja, gjej edhe gux­imin t’u përgjig­jesh dy pyet­jeve, për­para se të të pyesin në SPAK: Çfarë të lidh me Paulin Rajtën? A ke ndërhyrë te Belin­da Bal­luku për t’i mundë­suar atij për­fitimin e një HEC‑i në qarkun Dibër?

Kur nuk bën rolin e budal­lait për llog­a­ri të Edi Ramës, ti, Ulsi, e di shumë më mirë se ndërhyr­ja për dhënien e licen­cave në kundër­sh­tim me ligjin është vepër penale. Kur ndërhyr­ja bëhet për një biz­nes­men që, më pas, si Min­istër Drejtësie, fir­mos për ta emëru­ar drej­tor të Poli­cisë së Burgjeve, pozi­ta penale rën­do­het. Kth­jel­lu, Ulsi! Roli i budal­lait apo ser­vilit nuk të mban dot për shumë gjatë! Rri zgjuar këto kohë, se mund të të trokasë SPAK tek dera!”.

Reagon Ulsi Man­ja

Pas këtij par­ala­jmëri­mi ka reaguar  Ulsi Man­ja, i cili i është përgjigjur akuzave të Bard­hit duke ironizuar se më në fund u qetë­sua pasi mori vesh që Par­tia Demokratike nuk e ka hallin te Kanye West, por tek ai vetë. Man­ja ka deklaru­ar se nuk mer­ret me thashetheme pazari, pasi për këtë gjë nuk ka as moshën, as zakonin dhe as pro­fe­sion­in, ndër­sa e ka ftu­ar deputetin demokrat të vazh­do­jë për­para me denoncimet e tij. Më tej, ish-min­istri ka vijuar ironitë duke u shpre­hur se, meqë Bard­hi humbi rastin të shi­jonte kon­certin e Kanye West, po e për­shën­det me këngën e rev­olu­cionit të parë të Lulz­im Bashës.

Man­ja i ka kuj­tu­ar Bard­hit se, ndër­sa ai harx­hon kohën me kallëz­ime, “Gonia” (Agron She­hu) po bën kërdinë në shesh duke i “kre­hur” anë­tarët e par­tisë, ash­tu siç i mori dikur Bashës data­bazën e anë­tarë­sisë, duke e mbyl­lur mesazhin e tij me par­ala­jmërim­in se nuk duhet t’i thotë më pas që nuk e kishte vënë në dijeni. “Po shyqyr, o Gaz­ment, se më kishte mar­rë malli për ty.

Tani më qetësove, se unë hallin e Kanyes kisha, por PD nuk e pas­ka me Kanyen, e pas­ka me mua! Gaz, unë s’merrem me thashetheme pazari, se nuk kam as moshë, as zakon dhe as pro­fe­sion. Megjithatë, ti vazh­do. Rëndësi ka që s’e keni me Kanye West-in. Meqë e humbe rastin të shi­jo­je Kanyen, po të për­shën­des me këngën e rev­olu­cionit të parë të Lulit, megjithëse Gonen s’e ke më në krah. Ti harx­ho­je kohën me kallëz­ime, mirë bën, por Gonia po bën kërdinë në shesh, duke t’i kre­hur anë­tarët e par­tisë, siç ia kre­hu Lulit data­bazën e anë­tarë­sisë! Mos më thuaj pas­taj se s’të kam thënë!”, shkru­an Man­ja.