Kuvendi i Shqipërisë zhvillon sot seancën e radhës plenare, ndërsa jashtë godinës është paralajmëruar një protestë qytetare. Në prag të tubimit, Policia e Shtetit ka marrë masa paraprake për menaxhimin e situatës dhe ruajtjen e rendit publik.
Para ambienteve të Kuvendit është vendosur një autobot uji, masë e ndërmarrë nga autoritetet në kuadër të përgatitjeve për çdo situatë të mundshme gjatë protestës.
Seanca plenare pritet të nisë në orën 12:00, ku deputetët do të shqyrtojnë një sërë projektligjesh, projektrezolutash dhe raportesh vjetore të institucioneve kushtetuese dhe të drejtësisë.Protesta jashtë Parlamentit vjen në një kohë tensioni politik, ndërsa Partia Demokratike pritet të vendosë nëse do të vijojë bojkotin e seancave parlamentare apo do të rikthehet në sallën e Kuvendit.