Nuk ka liri për Ilir Beqajn, Apeli i GJKKO-së rrëzon kërkesën e tij, si tentoi ish-ministri të dilte nga qelia në këmbim të garancisë pasurore

🚀 Provoje Falas

Gjyka­ta e Posaçme e Apelit për Kor­rup­sion­in dhe Krim­in e Orga­nizuar (GJKKO) lënë në fuqi masën e sig­urisë “arrest në burg” për ish-min­istrin e Shën­de­të­sisë Ilir Beqaj, duke e lënë në qeli dhe rrëzuar ankimin e tij në kuadër të dos­jes SASPAC. Vendi­mi u dha këtë të mërkurë (dje) nga gjyq­tar­ja Mil­iana Muça, e cila mira­toi vendimin nr. 362, datë 25 maj 2026, të Gjykatës së Posaçme të Shkallës së Parë. Ish-min­istri Beqaj kishte kërkuar zëvendësimin e masës “arrest në burg” me një masë të lehtë sig­urie kun­drejt garan­cisë pasurore në shumën 2 mil­ionë lekë ose një shumë tjetër që gjyka­ta do ta vlerë­sonte të për­sh­tat­shme, duke për­dorur si argu­ment edhe vendimin e unifikuar u Gjykatës së Lartë për ndryshimin e prak­tikës për arrestin me burg.

Apeli i GJKKO ven­dosi të mira­to­jë vendimin e Shkallës së Parë, duke e lënë në fuqi masën aktuale të sig­urisë. Ish-min­istri Ilir Beqaj u arrestua më 4 kor­rik 2024 me urd­hër të SPAK për abuz­ime me fondet e Agjen­cisë Shtetërore e Pro­gramim­it Strategjik dhe Koor­dinim­it të Ndih­mës (SASPAC) Sipas SPAK, Beqaj, në kohën kur drej­tonte SAS­PAC-un, dyshohet se ka favorizuar kry­er­jen e prokurimeve fik­tive për pro­jek­tet e EUSAIR gjatë viteve 2022–2023. Prokuro­r­ia pre­tendon se ten­derët real­i­zo­heshin vetëm në doku­mente dhe fondet për­fi­to­heshin në mënyrë të paligjshme përmes kom­panive të lid­hu­ra me skemën. Ndaj ish-min­istrit rën­do­jnë disa akuza, mes tyre “kor­rup­sion pasiv”, “shkel­je e barazisë në ten­dera”, “fal­si­fikim doku­mentesh”, “mashtrim” dhe “fshe­hje pasurie”. Po ash­tu, disa ditë më parë ish-min­istri i Shën­de­të­sisë, Ilir Beqaj, i është drej­tu­ar Gjykatës së Lartë me rekurs, ku kërkon zëvendësimin e masës së sig­urisë “arrest në burg” me një masë më të lehtë, duke ofru­ar si garan­ci edhe një shumë pasurore.

Dos­ja e “Ster­il­izim­it”

Ndërko­hë disa ditë më parë Prokuro­r­ia e Posaçme ka kërkuar rrëz­imin e 23 kërke­save të paraqi­tu­ra nga Ilir Beqaj, me të cilat ish-min­istri kundër­sh­ton akuzën ndaj tij dhe veprimet pro­ce­duri­ale të organ­it het­ues. Sipas SPAK, kërke­sat e Beqa­jt janë të pabazuara në ligj dhe nuk duhet të pra­nohen nga gjyka­ta. Prokurori Edvin Kondili deklaroi se pje­sa më e mad­he e pre­tendimeve të të pan­de­hu­rit kanë mar­rë përgjig­je që gjatë fazës së hetim­it, në seancën para­prake, përmes vendim­it që lejoi kalim­in e çësht­jes për gjykim, si dhe gjatë shqyr­tim­it në themel të dos­jes. SPAK vlerë­son se nuk ka arsye ligjore për pra­n­imin e kërke­save të paraqi­tu­ra nga ish-min­istri. Ish-min­istri, Ilir Beqaj është i pan­de­hur për dos­jen e kon­ce­sion­it të ster­il­izim­it, ndër­sa më 18 mars iu komu­nikua edhe akuza shpër­dorim detyre e kry­er në bashkëpunim.

Ndaj Beqa­jt rën­do­jnë akuzat “Shpër­dorim detyre”, e kry­er në bashkëpunim. Het­i­mi SPAK është kry­er për kon­ce­sion­in “shër­bime të inte­gru­ara për ofrim­in e setit të per­son­al­izuar të instru­menteve kirurgjikale, furniz­imin me mate­r­i­al mjekë­sor ster­il një për­dorimësh në sal­lat kirurgjikale, si dhe tra­j­timin e mbet­jeve biologjike dhe dez­in­fek­timin e sallave kirurgjikale”, në kohën kur Beqaj drej­tonte min­istrinë e Shën­de­të­sisë. Për ster­il­iz­imin janë mar­rë të pan­de­hur edhe 8 të tjerë, mes tyre ish-zv-min­istri Klo­di­an Rrjepaj dhe për­fitue­si i Kon­ce­sion­it Ilir Rra­paj të dy në pran­ga që prej gushtit të vitit të kalu­ar. Në gjykim do të shko­jnë edhe 6 ish-zyr­tarë të Min­istrisë së Shën­de­të­sisë të cilët kanë qenë anë­tarë të Komi­sion­it të kon­ce­sion­it të ster­il­izim­it.