Raporti më i fundit i strukturës OSAC të Departamentit amerikan të Shtetit lidhur me Shqipërinë, i ka kushtuar një përditësim të veçantë situatës në vend nga protestat.
Sipas raportit, protestat janë përgjithësisht paqësore, por kanë rezultuar në dhunë në të kaluarën.
“Demonstratat ndryshojnë në madhësi nga disa qindra në disa mijëra pjesëmarrës dhe shpesh prishin trafikun. Një nga vendet më të shpeshta të aktivitetit të protestës në vend është bulevardi kryesor i kryeqytetit, Dëshmorët e Kombit, i cili është shtëpia e shumë objekteve qeveritare, diplomatike dhe kulturore. Koktejet e Molotovit janë të zakonshme gjatë demonstratave, megjithëse ato përgjithësisht hidhen në ndërtesa dhe jo në njerëz”,-shkruhet në raportin amerikan.
Sa i përket protestave qytetare kundër qeverisë, që kanë nisur më 31 maj 2026 në Tiranë, raporti shkruan se protestat e mëdha kundërshtonin një projekt turistik luksoz në ishullin e Sazanit.
“Tubimet filluan si demonstrata lokale mjedisore, por kur policia i shpërndau këto tubime, mijëra shqiptarë dolën në rrugë në qytetet kryesore. Protestat u rritën duke përfshirë thirrje kundër korrupsionit qeveritar, dhe disa prej tyre u bënë të dhunshme”,-cilëson raporti.
