Dita e 52-të e protestës popullore dhe revoltës ndaj qeverisë dhe kastës së vjetër politike mblodhi edhe sot në Tiranë një masë të madhe qytetarësh që nuk dorëzohen.
Një prej tyre iu përgjigj kryeministrit Edi Rama që deklaroi kohë më parë se shqiptarët jetojnë mirë dhe nuk duhet të kërkojnë më shumë.
“Ne kemi ardhur për të drejtat tona, të gjitha, duke nisur nga rrogat, pensionet, ndihma ekonomike, të gjitha gjërat që nuk ecin në Shqipëri.
E dëgjova kryeministrin që tha shqiptarët janë në gjendje të mirë, kërkojnë një çikë më shumë. Pse protestojnë shqiptarët? Po pse protestojnë shqiptarët, për mirëqenie”, tha ai mes të tjerash.
Dhe teksa u pyet për motivet e protestës apo daljes së tij në shesh, qytetari shpjegoi se:
“Në spitale nuk ka ilaçe, ai jep 4,3 mln euro për një koncert. Dolën nga buxheti i shtetit 4,3 mln euro për t’ia dhënë një këngëtari, ku pensionistët me një pagesë deri në 100 mijë lekë. Spitalet janë pa ilaçe, për këto protestojnë shqiptarët”.
Në fund ai deklaroi se nuk do dorëzohen deri në rrëzimin e qeverisë dhe kryeministrit Rama.
“Protesta do vazhdojë deri në rrëzimin e tij”, tha ai.