Botërori u mbyll dhe skuadrat pjesëmarrëse tani po bëjnë llogaritë e tyre pos-aktivitetit, duke dashur të nxjerrin mësime ku bënë mirë e ku bënë keq. Natyrisht, fituesit nuk gjykohen dhe Spanja është kampione me meritë e Botës, por ëndrrën e titullit e patën shumë skuadra, përfshi edhe Zvicrën, e cila shkoi deri në çerekfinale.
Granit Xhaka dhe Upamekano e mbyllën Kupën e Botës 2026 si dy futbollistët që e kthyen posedimin më së shumti për skuadrat e tyre. Mbrojtësi i Francës dhe mesfushori i Zvicrës regjistruan nga 44 raste të rikthimit të posedimit, duke ndarë vendin e parë në këtë statistikë të turneut.
Granit Xhaka ishte kryesori që “helvetikët” arritën deri në çerekfinale të Kupës së Botës. Kupa e Botës 2026 u fitua nga Spanja, e cila në finale mposhti Argjentinën me rezultat 1:0 pas vazhdimeve. Golin vendimtar e realizoi Ferran Torres në minutën e 106-të, duke i siguruar “La rojas” titullin e dytë kampion bote.
Në ndeshjen për vendin e tretë, Anglia triumfoi ndaj Francës me rezultat 6:4, duke e mbyllur turneun në podium, ndërsa Franca u rendit e katërta. duke u kthyer te Zvicra, duhet kujtuar se ajo u eliminua në çerekfinale prej Argjentinës, pas 120 minutash lojë, në një duel mjaft të diskutuar, ku argjentinasit patën edhe ndihmën e arbitrit për episode të caktuara në fushë. Të paktën këtë mendim kanë shumica e analistëve që interpretojnë këtë ndeshje.
Xhaka e bëri më të mirën e tij në fushë, i dha krenari përfaqësueses zvicerane dhe ai tani është një lojtar historik te kjo skuadër.
Megjithëse 34 vjeç, ai gëzon formë sportive të nivelit të lartë dhe mund të luajë pa problem edhe një Botëror tjetër.
Ndaj ai mund të thyejë rekorde të tjera në Botëror në të ardhmen, gjithmonë nëse forma e tij sportive do të jetë në këto nivele.