E maskuar si burrë dhe me një tatuazh në formë gjarpri në krah/ Dalin pamjet e autores së atentatit ndaj biznesmenit

Inter­poli ka lëshuar një “njof­tim të kuq” për arres­timin e 39-vjeçares Anas­ta­sia Bere­zovskaya, e dyshuar për përf­shir­je në shpërthimin me bom­bë në Mon­ako këtë javë, i cili plagosi rëndë biz­nes­menin me origjinë ukrainase dhe dy anë­tarë të famil­jes së tij.

Sipas autoriteteve, e dyshuara është një grua ukrainase që jeton në Gjer­mani dhe dyshohet se ka vepru­ar e maskuar si bur­rë gjatë kry­er­jes së sul­mit. Inter­poli e për­shkru­an atë si gjer­man­isht­folëse, me flokë të errët dhe me një tat­u­azh me gjarpër në krahun e djathtë, nga shpat­ul­la deri në bër­ryl.

“Njof­ti­mi i kuq” i Inter­polit është një kërkesë ndërkom­bëtare për lokaliz­imin dhe arres­timin e një të dyshuari, ndër­sa Bere­zovskaya kërko­het nga autoritetet e Mon­akos për ten­ta­tivë vras­je­je, ven­dos­je të një pajis­je­je shpërthyese në një vend pub­lik me qël­lim krim­i­nal dhe pjesë­mar­rje në një kom­plot krim­i­nal.

Poli­cia gjer­mane kon­fir­moi se ka kon­trol­lu­ar banesën dhe autom­jetin me qira të 39-vjeçares, duke sekuestru­ar pro­va që do t’u dorë­zo­hen autoriteteve të Mon­akos. Megjithatë, ajo mbetet ende në arrati.

Zëvendësprokurori i Mon­akos, Mor­gan Ray­mond, deklaroi se e dyshuara jetonte në Gjer­mani dhe se, për shkak të kom­plek­sitetit të pajis­jes shpërthyese dhe mënyrës së orga­nizuar të sul­mit, het­ue­sit dysho­jnë se ajo mund të mos ketë vepru­ar e vetme.Dy per­sona u arrestu­an më herët gjatë javës në Mon­ako, por u liru­an pasi nuk u gjetën pro­va që i lidhnin me ngjar­jen.

Sipas het­imeve, autor­ja e dyshuar ka ven­do­sur një pako shpërthyese në hyr­je të një pal­lati aparta­mentesh në Mon­ako, pranë kufir­it me Francën, të hënën në mbrëm­je. Pak min­u­ta më vonë, rreth orës 21:00 me orën lokale, pajis­ja shpërtheu tek­sa tre per­sona, një çift dhe një fëmi­jë 13-vjeçar hynin në ndërtesë.

Autoritetet nuk kanë kon­fir­muar zyr­tar­isht iden­titetet e vik­ti­mave, por burime policore dhe gjyqë­sore rapor­to­jnë se mes tyre është 58-vjeçari Vadim Yer­mo­laev, biz­nes­men me origjinë ukrainase dhe shtetësi qipri­ote, si dhe part­ner­ja dhe djali i tij.

Sipas prokuror­isë, sul­mi dyshohet të jetë kry­er nga dis­tan­ca në momentin kur vik­ti­mat iu afru­an hyr­jes së ndërtesës. Autor­ja më pas është larguar nga Mon­ako drejt Francës dhe më pas në Gjer­mani, duke kalu­ar në disa vende evropi­ane, përf­shirë Ital­inë.

Fil­lim­isht, het­ue­sit kishin dyshuar për një bur­rë të veshur me rro­ba të errë­ta, por anal­izat e kam­er­ave të sig­urisë dhe dësh­mitë çuan në për­fundimin se bëhej fjalë për një grua të maskuar.

Fotot e pub­likuara në kuadër të “njof­tim­it të kuq” tre­go­jnë një grua me bluzë me vija, ndër­sa në njërën prej tyre ajo shi­het duke mba­j­tur një pajis­je elek­tron­ike me kabl­lo në dorë.

Sipas burimeve gjyqë­sore, e dyshuara është lokalizuar më vonë në Frank­furt.