Shqipëria “importon” mbi 22 mijë punëtorë të huaj, por pas shifrave fshihet shfrytëzimi

Ndër­sa mijëra qyte­tarë shqip­tarë vijo­jnë largimet drejt vendeve perëndi­more, tregu i punës në Shqipëri po mbështetet gjith­n­jë e më shumë te krahu i huaj i punës. Sipas të dhë­nave të Agjen­cisë Kom­bëtare të Punësim­it dhe Aftë­sive (AKPA), deri në qer­shor të vitit 2026 num­ri i shte­tasve të huaj me leje unike ka arrit­ur në mbi 22 mijë, nga rreth 18 mijë që ishin në fund të vitit 2025.

Të hua­jt, krye­sisht nga Fil­ip­inet, India, Egjip­ti dhe Bangladeshi, po plotë­so­jnë vendet e vakë­ta në sek­torë kyç si indus­tria prod­huese, hoteleri-tur­iz­mi, ndër­ti­mi dhe shër­bimet. Megjithatë, pas shifrave të rrit­jes fshi­het një realitet shqetë­sues me abuz­ime, kushte të rën­da dhe pasig­uri në punë.

Nga prem­timet evropi­ane te realiteti në ter­ren
Pro­ce­du­ra e pajis­jes me leje pune nëpër­m­jet sis­temit elek­tron­ik duket e shpe­jtë, por prob­lemet nisin sapo punë­torët mbër­ri­jnë në Shqipëri.

Ekspertët e fushës, thek­so­jnë se shumë prej tyre për­fun­do­jnë në ske­ma mashtri­mi, duke kry­er detyra të ndryshme nga ato të kon­trak­tu­ara, me orar të zgjatur dhe pa mbro­jt­je ligjore.Problematikat krye­sore të raportuara:Kontrata të shkelu­ra: Paga dhe kushte të ndryshme nga ato të prem­tu­ara në vendin e origjinës.
Pasig­uri juridike: Munge­sa e një mekaniz­mi të posaçëm anki­mor nga insti­tu­cionet për shte­t­a­sit e huaj.

Infor­malitet: Raste të punësim­it pa doku­mente të rreg­ull­ta, të zbu­lu­ara edhe nga kon­trol­let e Inspek­toratit të Punës.
Trag­jed­itë dhe munge­sa e sig­urisë në punë
Alarmet për kushtet e punë­torëve të huaj janë shoqëru­ar edhe me ngjar­je tragjike. Në kor­rik të këtij viti, një aksi­dent i rëndë pranë rrethrro­tul­lim­it të TEG-ut në Tiranë i kush­toi jetën dy shte­tasve egjip­tianë, 30 dhe 44 vjeç, të cilët kishin mbër­rit­ur në Shqipëri vetëm një muaj më parë.

Autom­jeti i tonazhit të rëndë me të cilin udhë­tonin ra nga ura në Unazën Lin­dore, ndër­sa u rapor­tua se vik­ti­mat nuk disponon­in leje drej­ti­mi apo dësh­mi aftësie për mjetin në fjalë.Ngjarje të ngjashme, të shoqëru­ara me denoncime pranë orga­ni­zatave jo-qever­itare për pas­apor­ta të mba­j­tu­ra peng dhe kushte të vështi­ra, dësh­mo­jnë se ven­di rrezikon të shndër­ro­het në një stre­hë shfry­tëz­i­mi. Ndër­sa ekono­mia ka nevo­jë urgjente për krah pune, munge­sa e kon­trolleve rig­oroze dhe e ndëshkimeve ndaj sub­jek­teve abuzuese lë të hapur pyet­jen nëse zhvil­li­mi i ven­dit po ndër­to­het mbi shpinën e punë­torëve më të pam­bro­j­tur.