Gent Progni tentoi goditjen me vezë të deputetëve Manja dhe Kadeli në kafe, e prangos policia
Dita e sotme nisi me tensione para Parlamentit pasi një grup protestuesish sulmuan me vezë makinat e deputetëve dhe ministrave, pasi po shkonin në Kuvend për seancës e sotme plenare.
Menjëherë për të ndaluar sulmet kanë ndërhyrë efektivët e policisë së shtetit, të cilët kanë shoqëruar disa protestues, dhe mes tyre, ishte edhe Gent Progni.
Progni ishte pozicionuar në një lokal pranë Akademisë së Shkencave nga ku goditi edhe deputetët me vezë.
Në lokal ishin edhe deputetët socialistë Ulsi Manja dhe Admir Kadeli, të cilët Progni i ka ofenduar duke iu thënë hajdutë.