Prej javësh, në rrjet kanë qarkulluar aludime për një raport të mundshëm mes ish banores së edicionit të pestë të “BBV”, Xhodi Skurës dhe Krist Aliaj Dragotit. Dyshimet u shtuan akoma më shumë nga postimet e dy ish-banorëve, të cilët shpesh janë parë në të njëjtat ambiente, por pa e konfirmuar asnjëherë hapur nëse mes tyre ka diçka më shumë se miqësi.
Ndërkaq, së fundmi, në “Top Arena”, Xhodi vendosi të flasë për herë të parë më qartë rreth kësaj teme. E pyetur drejtpërdrejt nëse është në një lidhje me Kristin, ajo nuk dha një “po” të prerë, por përgjigjja e saj mjaftoi për të ndezur edhe më shumë kureshtjen e publikut.
“Përderisa është përfolur kaq shumë, diçka zihet aty,” u shpreh Xhodi, duke buzëqeshur dhe duke lënë të kuptohet se thashethemet nuk kanë lindur krejt rastësisht. Megjithatë, bukuroshja u tregua e kujdesshme për të mos zbuluar më shumë.
Ajo theksoi se, pavarësisht se tashmë është pjesë e ekranit dhe vëmendjes publike, dëshiron që disa gjëra t’i mbajë larg syrit të kamerave, sidomos kur bëhet fjalë për ndjenjat.
Xhodi u shpreh se dashuria është diçka shumë personale për të dhe se nuk dëshiron ta ndajë me publikun nën presionin e komenteve apo kuriozitetit.
Sipas saj, kur të vijë momenti për të treguar dikë në krah, dëshiron që kjo të ndodhë me dëshirën e saj dhe jo sepse është detyruar nga rrethanat.
Gjatë bisedës, ajo foli edhe për partnerin ideal, duke treguar se për të ka shumë rëndësi që personi në krah ta pranojë në çdo version të saj, jo vetëm kur është mirë, por sidomos në ditët kur ndihet më e dobët. Nuk mungoi as momenti me humor.
Kur u pyet nëse do ta preferonte partnerin me flokë të gjata apo të shkurtra, një pyetje që u mor menjëherë si referencë për Kristin, Xhodi u përgjigj duke qeshur: “E dua tullac!”
